Организација на жени од Струмица во рамки на иницијативата „Активни за транспарентно и одржливо финансирање на граѓански организации (ГО)“, објавува повик за ангажирање експерт/ка за изработка на методологија за финансиска поддршка на граѓански организации во општина Струмица.
За проектот
Главната цел е да придонесе кон унапредување на практиките на општина Струмица за распределба на буџетските средства наменети за поддршка на граѓанските организации преку партиципативно учество на засегнатите страни во развојот на транспарентен и отчетен модел.
Проектот е поддржан со ад- хок грант на регионалниот проект СМАРТ Балкан - Граѓанско општество за поврзан Западен Балкан имплементиран од од Centar za promociju civilnog drustva (CPCD) од Босна и Херцеговина, Центар за истражување и креирање политики (ЦИКП) од С. Македонија и Институт за демократија и медијација (ИДМ) од Албанија, финансиски поддржан од Министерството за надворешни работи на Кралството Норвешка.
За ангажманот
Опсег на работа и клучни задачи
- Подготовка на содржина и програма за работа на три еднодневни работилници за утврдување на предизвиците, потребите и критериумите за распределба на средства за поддршка на проекти на ГО, културни работници, како и критеритуми за евалуација и мониторинг на проектите
- Спроведување на три еднодневни работилници
- Развој на методологија за распределба на средства на ГО
Експертот ќе биде ангажиран 15 работни дена во периодот април – мај 2025 година, од кои 3 дена за активност бр.1, три дена за активност бр.2 и 9 дена за активност бр.3.
Потребни квалификации
- Високо образование
- Минимум 3 години соодветно работно искуство во активности поврзани со развој на методологии
- Искуство во работа со граѓански организации
- Редовна комуникација и координација со Организација на жени од Струмица
Временска рамка
- Координативен состанок - 16 април 2025
- Спроведување на три еднодневни работилници – од 20 до 30 април 2025
- Развој на нацрт верзија на методологија – 15 мај 2025
- Изработка на финална верзија – 23 мај 2025
Избор и начин на плаќање
- Изборот ќе биде извршен врз основа на пристапот „најдобра вредност за парите“. Плаќањето ќе се изврши на две рати. Првата исплата ќе се изврши по потпишувањето на договорот, а втората после успешното завршување на задачите и доставување на испораките.
- Проектот е ослободен од плаќање на ДДВ (Потврда од Секретаријат за европски прашања и Решение за регистрација на даночен обрврзник од УЈП) со што понудувачот, доколку е правно лице, должен е да обезбеди понуда која не вклучува ДДВ.
- Доколку се работи за понуда од физичко лице, во рамки на понудената сума потребно е да се пресмета и персонален данок.
- Организација на жени од Струмица го задржува правото да задржи дел од плаќањето ако работата е незадоволителна, ако работата / резултатите се нецелосни, не се испорачани или не се исполнети роковите.
Сопственост
- Продуктот (документот) кој ќе произлезе од ангажманот ќе остане во сопственост на Организација на жени од Струмица. Добавувачот се согласува да не го користи продуктот надвор од овој ангажман без претходна писмена согласност од Организација на жени од Струмица.
Начин на аплицирање
Сите заинтересирани правни или физички лица потребно е да достават документи до 10.04.2025 година, на
info@ozstrumica.org.mk, со наслов „Апликација за развој на методологија за ГО – назив/име и презиме“. Во апликацијата потребно е да се содржани следните документи:
- Биографија на апликантот
- Финансиска понуда
Доколку имате прашања во врска со темата, контекстот, начинот на аплицирање или било што околу повикот, контактирајте нè на горенаведената електронска адреса.